316
REGISTRES DU BUREAU
[1563]
CCCCLXXIII. — Mandement aux Quarteniers de faire apporter les armes des haritans
DE LEURS QUARTIERS EN L'HOSTEL DE LA VlLLE. io octobre 1563. (II 1784, fol. 220 v°; H 1785, fol. 111 r°.)
Du dimanche, dixiesme jour d'Octobre'1' aud. an.
"Mathurin de Beausse, Quartenier de lad. Ville, nous vous mandons, suivant le commandement ex­près à nous, ce jour d'huy, faict verballement par les majestez du Roy et de la Royne, sa mere, que vous envoyez incontinant voz Cinquanteniers et Dixainiers en toutes les maisons de vostre quartier faire commandement de par led. Sr et nous à tous les habitans de vostred. quartier qui n'ont apporté toutes leurs armes en l'Hostel de lad. Ville, suivant
le voulloir et intention d'icelluy Sr, d'icelles y appor­ter ou envoyer dedans demain pour tout delaiz, pour estre veues par Leursd. Majestez, et que ad ce ilz ne facent faulte, sur peine que si, en faisant les recherches, il s'en trouve aulcunes retenues, d'estre puniz corporellement comme rebelles et desobeis-sans ausd, majestez, et ne faillez à envoyer vosd. Cinquanteniers et Dixainiers diligemment, en peine de nous en descharger sur vous.
"Faict au Bureau de lad. Ville, led. jour et an.»
CCCCLXX1V. — Ordonnance de mess" de Lanssac et autres, chevaliers de l'Ordre. Mandemens aux Quarteniers pour faire desmolir les corps de garde.
11 octobre 1563. (H 1784, fol. 220 v°; H 1785, fol. 111 v°.)
Du xi" desd, mois et an.
Ce jour d'huy, unzeiesme jour d'Octobre mil v° lxui, a esté advisé par messeigneurs de Lanssac, con-seillier du Roy en son Conseil Privé, conte de Charny, de Bryon et d'Oyscl, chevaliers de l'Ordre, que tous les habitans de la ville de Paris, qui ont armes en leurs maisons en garde appartenans aux princes, seigneurs, capitaines et gentilzhommes de ce royaulme, se retireront par devers monsr le ma­reschal de Montmorency, Gouverneur pour le Roy de lad. Ville et Ysle de France, et luy porteront certiffication de ceulx à qui appartiendront lesd, ar­mes, pour prendre ung hultin de mond. sr le ma­reschal pour les excuser de les porter en l'Hostel de lad. Ville, à la charge de respondre desd, armes et promectre ne les bailler à aulcun, sinon par l'ordonnance dud. seigneur mareschal, ou aultre ayant pouvoir de commander par le Roy en lad. Ville.
De par les Prevost des Marchans et Eschevins de la ville de paris.
"Jacques Kerver, Quartenier de lad. Ville, ne faillez à executer le contenu cy dessus, et oultre, suivant le commandement à nous faict par le Roy, envoyez voz Cinquanteniers et Dixainiers faire com­mandement aux bourgeois de leur quartier qui ont esté cy devant cappitaines de lad. Ville, de faire, en la meilleure dilligence que faire ce pourra, desmolir les corps de garde cy devant construictz en aulcunes rues pour la commodité des bourgeois faisantz les guetz et sentinelles en icelle Ville, et où ilz auront faict faire lesd, corps de garde à leurs despens, qu'ilz en prenent et applicquent à leur proffict les desmo-litions d'iceulx, et où ilz auront esté faictz aux des­pens commungs de la Dixaine, qu'ilz soient venduz au plus offrant, et les deniers provenans de lad. vente employez en partye des fraiz qu'il convient faire pour l'entretenement des lanternes et chandelles.
"Faict au Bureau de lad. Ville, lesd, jour et an.n
CCCCLXXV. — Mandement au maistre des euvres de charpenterye
DE DESMOLIR LES CORPS DE GARDE.
12 octobre i563. (H 1784, fol. 221 v°; H i785, fol 112 v°.)
Du xuc Octobre mil vc Ixiu.
"M0 Charles Leconte, m" des œuvres de char-
penterye de lad. Ville, envoyez presentement tant de personnes que suffire doibve abattre et desmolir
O Le registre II 1785 porte par erreur dud. septiesme octobre; les registres H 1784 et Z'a 5gb donnent tous deux la date du dimanche, io octobre, la seule exacte.